Bekzod Qodirqulov: “Ko'rikka kelganlarni sinovdan o'tkazib oldik”

Bellashuvdan so'ng jamoa bosh murabbiyi Bekzod Qodirqulov fikrlariga quloq tutdik.

“Garchi bugun mag'lubiyatga uchragan bo'lsak-da, yaxshi o'yin bo'ldi. Asosiy tarkibda maydonga tushirgan futbolchilarimiz 60 daqiqa davomida raqibga etarlicha qarshilik ko'rsatishdi. Gol urish uchun vaziyatlar yaratildi. Qolgan 30 daqiqada ko'rikka kelgan futbolchilarni sinovdan o'tkazish uchun maydonga tushirdik. Bu esa raqibga qo'l keldi va ikki marotaba to'p yo'llashga muvaffaq bo'lishdi. 

Bu o'yin jamoamiz uchun ancha foydali bo'ldi. CHunki ko'rikka kelganlarni yana bir marotaba sinovdan o'tkazib oldik. Tarkibimiz ham deyarli 70 foiz aniq bo'lib qoldi. Tez orada uch yoki to'rt nafar tajribali futbolchi kelib qo'shiladi. Hozirda o'zimizga kerak bo'lgan kadrlar bilan allaqachon kelishib qo'ydik”, - deya so'zini yakunladi Qodirqulov.