Bekzod G'anijonov: “Murabbiylar ishonchini oqlashga harakat qilaman”
19 noy 2016 17:38
Yangiliklar

Bekzod G'anijonov: “Murabbiylar ishonchini oqlashga harakat qilaman”

Oliy liga yigirma to'qqizinchi turidan joy olgan “Neftchi” - “Qizilqum” jamoalari bahsidan (0:1) so'ng, navoiyliklarning o'n sakkiz yoshli hujumchisi Bekzod G'anijonovning fikrlari bilan qiziqdik.

- Muhim uchrashuvda murabbiylarimiz menga boshlang'ich tarkibdan joy berishganidan xursand bo'ldim, - deydi Bekzod G'anijonov. - Garchi, unda bir bo'lim o'ynagan bo'lsam-da, bu bahs men uchun yana bir tajriba maktabi bo'ldi. “Neftchi”dek tajribali jamoani safarda mag'lubiyatga uchratganimizdan mamnunman.

Hali o'z ustimda ko'p ishlab, tajribamni yanada oshirishim kerak. Bunda murabbiylar ishonchi katta ahamiyat kasb etadi, albatta. Ularning ishonchini oqlash uchun esa astoydil ter to'kishda davom etaman. Maqsadim kelgusida asosiy tarkibdan o'z o'rnimni topib, jamoamning g'alabalariga hissa qo'shishdir.

“Qizilqum” PFK Matbuot xizmati.

Havola :

Manba : championat.asia

Yangiliklarni Telegramda o'qing!

Reyting: +4