"Bein Sports Arabia 8 HD" bugungi o'yinni qanday translyaciya qiladi?

Bir oz avval bu masala yuzasidan O'FF matbuot xizmati rahbari Sanjar Rizaevdan javob oldik. Malum bo'lishicha, O'FFga o'yinni namoyish etish istagi bilan Yangi Zelandiya tomoni murojaat qilgan va ularga ijobiy javob berilgan. "SKY Sport 3" uchrashuvni faqat o'zi namoyish etadi, uni boshqa biror kanalga sotishga haqli emas. 23 arab mamlakatiga o'yinni translyaciya qilishi kutilayotgan "Bein Sports Arabia 8 HD" esa O'FF bilan bog'lanmagan. Bu haqda O'FF xabar beradi. Bu telekanal dasturida bir necha kundan buyon O'zbekiston - Yangi Zelandiya uchrashuvi jonli efirda berilishi ko'rsatib o'tilgan. SHu o'rinda ushbu telekanalga translyaciya huquqi qanday va kim tarafidan sotilgani mavhum bo'lib qolmoqda. Ushbu kanal aloqa signalini faqat bizning vakillar tarafdan olishi mumkin. Juda ham qiziq holat, shunday emasmi?