Baxtiyor Ashurmatov: "Buxoro"ga qarshi eng yomon o'yinimizni o'tkazdik"

“To'g'risi, shuncha ko'rgan tayyorgarligimiz, amalga oshirgan selekciyamiz, rahbarlar va muxlislarning qo'llab-quvvatlashi – hammasini birgina o'yin yuvib yubordi. Afsuski, buni juda ham uyatli mag'lubiyat deb tariflasa bo'ladi. Son jihatdagi ustunlikdan foydalana olmadik. “Buxoro” bugun o'z mehnati evaziga g'alaba qozondi. Ushbu mag'lubiyatda aybni to'liq o'z bo'ynimga olaman. To'g'ri, ilk turda kutilmagan hisoblar ko'p bo'ldi, lekin bizning o'yin sifatimiz ham ayanchli bo'ldi. Tushkunlikka tushmaslik kerak. O'ylaymanki, jamoamiz o'z o'yinini topa oladi.

Bugun jamoamni tanimadim. Imkoni bo'lganda, tanaffusda bundan ham ko'proq o'zgarishni amalga oshirsam bo'lardi. Tayyorgarlik jarayonidagi o'yinimizdan bugun asar ham yo'q edi. Tarkibimizda tajribali futbolchilar bor va ular xayajonlandi deya olmayman. O'zgarishlar ham o'zini oqlamadi. SHu sabab futbolchilarni ayblamagan bo'lardim. Bugun eng yomon uchrashuvimizni o'tkazdik.

Dastlabki turda “Paxtakor” ham, “Nasaf” ham mag'lub bo'ldi. Har bir bahs murakkab bo'lyapti va ochko qo'lga kiritish imkoniyati bor”, – dedi mutaxassis.