“Bavariya” Keylor Navasni 10 mln. evroga sotib oldi

Germaniya chempionlari 27 yashar posbonning transferiga 10 million evro to'laydi, deb xabar bermoqda, Teletica Deportes.

Manba malumotiga ko'ra, “Levante” o'zaro kelishuvga binoan ushbu summadan 2 million evrosini Navasning o'ziga beradi. Keylorning “Bavariya”ga ko'chib o'tganini ispan klubi vice-prezidenti Tomas Peres ham tasdiqladi.

“Navas bu transferning amalga oshishi uchun haqli ravishda mehnat qildi. Jahon chempionatidagi ishonchli o'yini bilan Evropa grandlari nigohini o'ziga qarata oldi. O'z o'rnida biz ham bu transferdan xursand bo'ldik. Keylor Manuel Noyerga jiddiy raqobat qila oladi”, - dedi  Peres.

SHu tariqa, “Bavariya” Navasga kurashda “Atletiko” va “Portu” klublarini ortda qoldirishga muvaffaq bo'ldi.