"Bavariya" Albaning o'rinbosarini "Barselona"dan olib ketishga tayyor

"Goal" xabariga ko'ra, "Bavariya" "ko'k-anorranglilar" tarbiyalanuvchisi bo'lgan Ispaniya yoshlar terma jamoasi futbolchisi Adam Aznu transferini rasmiylashtirishni istamoqda.

Ko'pchilik Jordi Albaning vorisi deb hisoblagan lateral amaldagi shartnomasi yakunlanayotgani tufayli jamoani tark etishi mumkin. Kataloniyaliklar Aznu bilan hamkorlikni uzaytirishgani yo'q, "Bavariya" esa bundan foydalanib qolmoqchi.

Qayd etilishicha, Adam uchun bahsda Germaniya klubining poziciyasi "Barselona"nikidan ko'ra afzalroq ko'rinmoqda. Aznuning o'zi ham Kataloniya poytaxtida qolishdan ko'ra faoliyatini Myunxenda davom ettirishga ko'proq moyil.