Bahrayn terma jamoasi burchak zarbalarida qanday harakat qiladi?

O'ng qanotdagi barcha burchak zarbalarini bajarish masuliyati 8-raqamdagi Sayid Ahmad zimmasida. To'pni o'ng oyoqda ko'taradi. Asosan to'pni 11 metrlik nuqta yaqiniga tashlab berishga harakat qiladi. Yaman va KXDR terma jamoalariga qarshi kechgan o'yinlarning birontasida burchak zarbalari darvoza tomon yo'naltirilmagan. Bu yaxshi. Aziz Haydarov, Anzur Ismoilov, Islom To'xtaxo'jaev va Egor Krimec kabi futbolchilarimiz bu vaziyatni terma jamoamiz foydasiga hal qila olishadi deb o'ylaymiz.

CHap qanotda aniq shtatchi yo'q. Navbati bilan (#9) Abdulvoxob Al Malud, (#4) Sayid Diya SHubbar, (#7) Abdulla Ahmad Hasa, (#12) Fauzi Aaish burchak zarbalarini amalga oshiradilar. Ularning bari chap qanotda, chap oyoqda burchak zarbasini Sayid Ahmad kabi bajaradi. Faqat bir marotaba (#9) Abdulvoxob Al Malud o'ng qanotdan chap oyoqda to'pni darvozabon turgan nuqtaga aylantirgan.

Nodirxo'ja Yuldashev