Bahodir Ahmedov: "Afg'oniston terma jamoasiga minnatdorchilik bildiraman"

O'zbekiston milliy terma jamoasi dastlabki uchrashuvini Afg'onistonga qarshi o'tkazdi va shiddatli tarzda kechgan o'yinda 6:2 hisobida g'alaba qozondi. Uchrashuvdan so'ng o'tkazilgan matbuot anjumanida terma jamoamiz bosh murabbiyi Bahodir Ahmedov quyidagicha fikr bildirib o'tdi:

 - Afg'oniston terma jamoasiga ko'rsatgan mazmunli o'yini uchun minnatdorchilik bildiraman. Bugungi bahs chindan ham shiddatli va murosasiz ko'rinish oldi. Lekin bizning jamoamiz ham o'z o'yinini namoyish etishga urindi. Bazi vaziyatlarda xatolarga ham yo'l qo'ydik. Aynan shu xatolarni keyingi uchrashuvlarda takrorlamaslikka harakat qilamiz. 

Oldinda bizni Nepal hamda Tojikiston terma jamoalariga qarshi masuliyatli o'yinlar kutmoqda. Biz har bir uchrashuvga jiddiy yondoshamiz va har bir raqib bilan o'yinni o'z foydamizga hal etishga harakat qilamiz. Zero maqsadimiz – saralash bahslarini muvaffaqiyatli o'tkazish va yakunda Osiyo chempionati final bosqichiga yo'l olish. Demak keyingi 2 ta o'yinda ham bor kuch va mahoratimizni ishga solishimiz talab etiladi, - deya takidladi tajribali murabbiy.