Aziz Asimov: "Hakamlar xato qilsa, aybni o'z bo'yniga oladi. Murabbiylar-chi?"

"Hakamlarning har bir xatosi klublar va murabbiylarga rahbariyat oldida o'zini oqlashi uchun sovg'a hisoblanadi. Agar o'yinlarni erta tugatib, qo'shimcha vaqt berilmasa, yana ayb bizda bo'ladi. Murabbiylar qo'l butun gavdasi bilan berkitilganini ko'rib turishibdi. Butun respublikaga go'yo bizni "o'ldiryapti", deb jar solish juda uyatli ish. Biz har bir xatoni boshqalarga to'nkashga o'rganib qolganmiz. Hakamlar xato qilsa, aybni o'z bo'yniga oladi, murabbiylar-chi? Qarang, qancha "braklar" bo'lyapti. Nima uchun mening futbolchim, mana bu raqamdagi o'yinchim o'ynay olmadi, deb aytmaydi?", – dedi Asimov.

Avvalroq O'zbekiston futbol hakamlar markazi rahbari Laziz Qo'chqorov yig'ilishda keskin fikrlarni bildirib, natijaga tasir ko'rsatgan hakam butun umrga futboldan chetlashtirilishini malum qilgan edi.