Ayollar futboli. Olimpiya terma jamoasiga nomzodlar saralab olinadi
08 dek 2017 10:52
Yangiliklar

Ayollar futboli. Olimpiya terma jamoasiga nomzodlar saralab olinadi

O'zbekiston Futbol Federaciyasi mamlakatimizda ayollar futbolini rivojlantirish, ular o'rtasida futbolni yanada ommalashtirishga katta etibor qaratmoqda.

SHu bilan birga futbol bo'yicha ayollar terma jamoasining xalqaro maydonlarda, Osiyo va Jahon chempionatlarida, shuningdek, Olimpiada musobaqasida ishtirokini taminlash federaciya oldida turgan asosiy vazifalardan biridir.

Olimpiya terma jamoasiga munosib nomzodlarni saralab olish maqsadida, dekabr oyida poytaxtimizdagi “CHig'atoy” sport bazasida ikkita o'quv-mashg'ulot yig'ini tashkil etiladi.

Dastlabki yig'in 8-12 dekabr kunlari bo'lib o'tsa, ikkinchi o'quv-mashg'ulot yig'ini 12-17 dekabr kunlariga mo'ljallangan.

Ushbu yig'inlarda "Andijanka", "Bunyodkor", "Olmaliq", "Lokomotiv", Paxtakor", Navbahor", "Metallurg-W", "Sevinch", "SHo'rtan-Ledi", "Mashal-W", "Buxoro", "Dinamo Samarqand", "Sevinch-2" jamoalaridan taklif etilgan jami 70 nafarga yaqin futbolchi qizlar bosh murabbiy Karima Yo'ldosheva boshchiligidagi mutaxassislar tomonidan saralab olinadi.