Asror Aliqulov: "Tezkor tashkil etilgan hujumlar natijasida kiritilgan gollar o'yin taqdirini hal qildi"

O'yin haqida

- Birinchi bo'limda jamoamizda ozroq charchoq alomatlari ko'rindi. Bilasizlar, dastlab vodiyda, keyin Nukusda o'yinlarimizni o'tkazib qaytgandik. Ikkinchi bo'limda yigitlarda tezkorlik oshdi, qarshi hujumlardan yigitlar unumli foydalanishdi. Tezkor tashkil etilgan hujumda kiritilgan gollar o'yin taqdirini hal qildi.

- Zaxiradan qo'shilgan futbolchilar o'yinni kuchaytirishdi deb aytsak to'g'ri bo'ladimi?

- Birinchi bo'limda hujum tashkil etishda qiynaldik. Zaxiradan qo'shilgan futbolchilar chindan ham o'yinni kuchaytirishdi. Aytaylik, Babatunde maydonga tushganidan so'ng ko'p vaqt o'tmay gol urdi.

- Milliy terma jamoasida ham, olimpiya terma jamoasida ham 11 metrlik nuqtadan gol ura olmaslik holatlari kuzatilayapti. Bugun ham Xumoyun Murtozaev penaltini golga aylantira olmadi. O'zi jamoa tarkibiga penaltilarga masul bo'lganlar kimlar? Ular mashg'ulotlarda bu borada ishlaydimi?

- Bu narsa ko'proq futbolchilardagi o'yin hissiyoti bilan bog'liq. Hisob ham tasir qiladi. Masuliyatni olish oson emas. Oldimi, demak imkoniyatdan foydalanish kerak. 

- Birinchi bo'limda jamoada charchoq ko'rindi. Ikkinchi bo'limda murabbiyning chizgilar ish berdimi?

- Babatunde zaxiradan qo'shilib o'yinni kuchaytirdi. Bu faqat shu bilan bog'liq emas. Yigitlar birinchi bo'lim davomida o'zlarini tiklab olishdi. Ikkinchi bo'limda tezlik qo'sha olishimizga ishongandim.