Asror Aliqulov: "Olimpiada yo'llanmasini qo'lga kirita oladigan tarkibimiz bor"

- O'yin haqida

- "Buxoro" jamoasi bilan Pro-ligada ham to'qnash kelgandik. Asosan qarshi hujum taktikasiga asoslanib o'yin tashkil etadi. To'pni nazorat qilishga urindik, tezkor qarshi hujumlar qurboniga aylanmaslikka harakat qildik. Nazarimda biz bugun vazifamizni yaxshi uddaladik.

- "Mashal" yosh tarkib va rotaciyalar bilan OKMK bilan safar o'yinida g'alabaga erishgandi. Bugun o'z maydonida "Buxoro" bilan durang o'ynaganiga sabab nima? Olmaliqdagi o'yin natijasi tasodifmidi?

- O'sha o'yinda OKMK ustunligi sezilib turgandi. Biz yosh futbolchilar bilan raqibga bo'sh xududlar qoldirmaslikka urindik. Bu natijani tasodif deb ayta olmayman. Buni futbolchilarning maydonda harakatlari evaziga qo'lga kiritilgan yutuq deb aytsa bo'ladi.

- Navbatdagi turda "Aral akademiya" bilan o'ynaysizlar. Bu jamoaga OKMK 16 ta gol urdi, "Buxoro" 7 ta. SHundan kelib chiqsak, "Mashal" nechta gol urmoqchi?

- Buni oldindan aytib bo'lmaydi albatta. Biz ushbu o'yin orqali "Xorazm"ga qarshi bahsga tayyorgarlik ko'ramiz. Hozir natija haqida gapirish noto'g'ri, biz g'alaba uchun maydonga chiqamiz.

- "Mashal"ning kubok uchrashuvlaridagi rejasi qanday?

- Oldindan qandaydir vadalar bermoqchi emasmiz. Biz OKMK bilan o'yinda g'alabaga erishdik, balki ular bizga nisbatan bepisand qaragandir. Biz xato va kamchiliklar ustida ko'proq ishlasak, natija yaxshi bo'ladi.

- O'zbekiston U-23 terma jamoa futbolchilariga qanday fikrlarni bildirgan bo'lardingiz?

- Biz ularga ishonamiz. Terma jamoamiz yigitlari ko'zlangan maqsadga albatta erisha olishadi. Olimpiada yo'llanmasini qo'lga kirita oladigan tarkibga egamiz. Biz, butun O'zbekiston ahli U-23 terma jamoamiz vakillariga omad tilashayotganiga shubha yo'q.