Asilbek Qayumov: "Eldor SHomurodov kabi hujumchi bo'lishni maqsad qilganman"

Biz mazkur yig'in tafsilotlari yuzasidan U-19 terma jamoasi azosi, V PRO-Liga vakili "Turon" klubi futbolchisi Asilbek Qayumov bilan intervyu tashkil etdik.

O'zbekiston U-19 terma jamoasiga ikkinchi bor chaqiruv oldim. Bu xabarni eshitganimda juda xursand bo'ldim. Har bir futbolchi uchun o'z Vatani terma jamoasi safida maydonga tushishdan ortiqroq baxt bo'lmasa kerak. Mazkur taklif men uchun hayotimdagi eng muhim voqea sifatida yodimda qoladi.

O'zbekiston U-19 terma jamoasining har bir chizig'ida raqobat juda kuchli, mazkur kurashda yutib chiqqan futbolchi jamoa o'ynaydi.

O'zbekiston U-19 terma jamoasi libosini kiyganimda menda o'zgacha his-tuyg'ular jo'sh uradi, faxrlanib ketaman. Hozirgi kunda jamoada mashg'ulotlarda ishtirok etayotganimda juda xursandman.

Kelajakda O'zbekiston milliy terma jamoasi safida maydonga tushishni niyat qilganman. Nasib qilsa albatta Eldor SHomurodov kabi hujumchi bo'lishga harakat qilaman. Men qaysi jamoa safida maydonga tushsam, o'sha jamoa uchun borimni berib o'ynashni maqsad qilganman. Ota-onamni o'z o'yinlarim bilan xursand qilish - hayotdagi eng orzularimdan biri, bunga erishishga astoydil harakat qilaman - deydi Asilbek Qayumov.

Bekzod Tolibov yozib oldi.