Arteta Saka va Saliba yangi shartnoma tuzishiga ishonadi

Jamoa ustozi tarkibdagi eng asosiy o'yinchilardan hisoblanadigan Bukayo Saka va Uilyam Saliba Gabriel Martinelliga qo'shilib klubda yana uzoq muddat qolishlarini kafolatlab qo'yishlariga ishonadi.

O'tgan hafta shimoliy Londonda to'rtinchi mavsumini o'tkazayotgan Martinelli "to'pchilar" bilan amaldagi bitimini yana uzoq yillar davom etishiga imzo chekdi. Hujumchi klub chempionlik sari odimlayotgan ushbu mavsum o'z hisobiga 7 ta gol yozdirib qo'ydi.

Saka va Saliba shartnomasining so'nggi yiliga kiradi va "Arsenal" yoz kelmasidan avval ular bilan yangi kelishuvga erishmoqchi.

Arteta bu ikki futbolchidan xotirjam ekanini bildirdi:

"Ha, ular yangi bitimni imzolashadi. Biz Gabi Martinelli bilan qanday kelishgan bo'lsak, qolganlar bilan ham kelishamiz. Bazida bunday ishlar vaqt talab qiladi, biz Gabi haqidagi xabardan xursand bo'ldik", – dedi Arteta.