Arteta: "Bizga mo'jiza kerak edi va Saka buni uddaladi"

"G'alabadan, shuningdek dastlabki 25 daqiqadan keyin ko'rsatgan o'yinimizdan mamnunman. Uchrashuv avvalida bizda qiyinchiliklar bo'ldi, "Everton"ga qarshi o'ynash qiyin. 

Biz birinchi golni urganimizdan so'ng o'yin ochildi. Bizga biroz mo'jiza kerak edi va Bakayo Saka buni amalga oshirdi. Keyin biz biroz kuchaytirdik va g'alabaga loyiq o'yin ko'rsatdik. 

"Everton"ning uslubi, vertikal o'yin sabab kichik hisobidagi ustunlik kamlik qilardi. Ammo ikkinchi bo'limda biz haqiqatdan ham yaxshi o'ynadik va ko'proq gol urdik. 

Men jamoa o'zimiz istaganimizdek o'ynayotganini ko'rsam, xursand bo'laman. Namoyish etilgan tomoshabop o'yin va sifatdan judayam mamnunman", - dedi Arteta.