"Arsenal" Jorjino transferiga qaramay, Kaysedoni xarid qilmoqchi

"Arsenal" Jorjinoning o'tishiga qaramasdan, Moyzes Kaysedoga qiziqish bildirmoqda.

"Sky Sports"ning xabar berishicha, London klubi hanuz 21 yoshli yarim himoyachi bilan shartnoma imzolash istagida. Agar "Brayton" muzokalaralarda o'z poziciyasini o'zgartirib, uni sotishga rozi bo'lsa, "Arsenal" harakatga tushadi.

Oldinroq "Brayton" ekvadorlik futbolchini 60 mln funt (taxminan 68 mln evro) va 70 mln funt (taxminan 80 mln evro) evaziga "Arsenal"ga sotishdan bosh tortgandi.

Xabar qilinishicha, "kanonirlar" yarim himoyachi uchun 75 mln funt sterling (taxminan 85 mln evro) taklif qilishni ko'rib chiqmoqda.

Juma kuni futbolchi "Brayton"ni tark etish istagini ochiqchasiga elon qildi. U Angliya Kubogi doirasidagi "Liverpul"ga (2:1) qarshi o'yinni o'tkazib yubordi.

21 yoshli futbolchi joriy mavsum "Brayton" safida barcha musobaqalarda 21 ta o'yinda qatnashib, 1 ta to'p kiritdi va 1 ta golli pas uzatdi.