Aprel oyida Andijon, Qo'qon va Xorazmda mini-futbol maydonchalari qurilish ishlari boshlanadi

Uchrashuvda mamlakatimizda futbolni rivojlantirishga asoslangan turli loyihalar bo'yicha o'zaro hamkorlik masalalari muhokama qilinib,  Andijon, Qo'qon va Xorazmda bolalar uchun mo'ljallangan mini-futbol maydonchalari barpo etilishiga OFK tomonidan mablag' ajratilishi bo'yicha kelishuvga erishilgandi.

Ana o'sha kelishuvga asosan OFKning  futbol maydonlari qurilishi bo'yicha mutaxassisi Menduh Akyurekli yurtimizga tashrif buyurib, Andijon, Qo'qon va Xorazm shaharlarida mini-futbol maydonchasi qurilishi uchun ajratilgan hudud bilan tanishdi.Maydonchalarning qurilishi bo'yicha o'zining amaliy maslahatlarini berdi.

Kelishuvga ko'ra, shu yilning aprel oyi boshlarida Italiyaning qurilish bo'yicha mashhur bo'lgan "Limonta" kompaniyasi vakillari yurtimizga tashrif buyurib, suniy qoplamali maydon qurilish ishlarini boshlashadi. Har uchchala stadion yuqori sifatli texnologiyalar yordamida barpo etiladi va bu maydonchalarda yilning barcha faslida futbol uchrashuvlari va mashg'ulotlar o'tkazish mumkin bo'ladi.