Apellyaciya qo'mitasi "Andijon" azosi Rubin Xebayga nisbatan qo'llanilgan jazoni engillashtirdi

Unda kun tartibidan o'rin olgan masalalar, xususan, Tartib-intizom qo'mitasining 2023 yil 28 martdagi qarori hamda Hakamlar qo'mitasining 2023 yil 23 martdagi qarori ustidan "Andijon" futbol klubining yozgan apellyaciya shikoyati ko'rib chiqildi.

2023 yil 11 mart kuni Superliganing 2-tur doirasida "Surxon" va "Andijon" futbol klublari o'rtasida bo'lib o'tgan uchrashuvda "Andijon" futbolchisi Rubin Xebayning uchrashuv bosh hakamini chet tilida haqorat qilganligi oqibatida bosh hakam tomonidan qizil kartochka ko'rsatilgan vaziyat va videoyozuvlar mutaxassislar tomonidan qayta o'rganib chiqilib, futbolchiga nisbatan tayinlangan intizom jazo chorasini engillashtirish uchun asoslar mavjudligi to'g'risida fikr berildi.

Apellyaciya qo'mitasi O'zbekiston futbol associaciyasining Tartib-intizom qo'mitasi tomonidan ishga oid taqdim etilgan hujjatlar bilan tanishib chiqib, "Andijon" futbol klubi futbolchisi Rubin Xebayga nisbatan qo'llanilgan intizomiy jazo chorasini qisman o'zgartirish lozim degan xulosaga keldi.

Apellyaciya qo'mitasi "Andijon" futbol klubining futbolchisi Rubin Xebayga nisbatan qo'llanilgan 3 ta o'yinga chetlashtirish intizom jazosini 2 ta o'yinga o'zgartirish hamda jarima intizom jazosini o'zgarishsiz qoldirish yuzasidan qaror qabul qildi.

SHuningdek, Apellyaciya qo'mitasi "Andijon" futbol klubi tomonidan Hakamlar qo'mitasining 2023 yil 23 martdagi qarori ustidan berilgan shikoyat arizasida Hakamlar qo'mitasining qarorini o'zgartirish uchun etarli asoslar mavjud bo'lmaganligi uchun qanoatlantirishni rad etdi.