Anvar Berdiev: "O'yingacha 5 himoyachimiz jarohat olgandi, bugun mana oltinchisi ham jarohatlandi"

- "Turon"ni g'alaba bilan tabriklayman va chempionat doirasidagi o'yinlarida omad tilayman. Bu jamoa menga begona emas. O'yin haqida gapirsam, tezkor gol o'tkazib yuborganimizdan keyin yigitlar sarosimaga tushib qoldi. Sababi - 5 nafar himoyachimiz jarohat olib, safdan chiqqandi. Bugun esa oltinchi himoyachimiz ham jarohat olib, maydonni tark etdi. O'yinni bir himoyachi bilan tugatdik, yarim himoyachilarni himoyada o'ynatishga majbur bo'ldik. Bu esa baribir o'z so'zini aytdi. 

- Birinchi bo'limning o'zidayoq ikki o'zgarish qildingiz. Bu rejalaringizni qanchalik o'zgartirib yubordi?

- O'yin amaliyoti kam futbolchilarga imkoniyat bergandik. Bobur Davlatovni almashtirishga majbur bo'ldik. Og'ir jarohatdan keyin u endi-endi o'ziga kelmoqda. O'yinga qo'shilib ketishi qiyin bo'ldi. Ikkinchi o'zgarish esa majburiy tarzda amalga oshirildi. 16 futbolchi bo'lib, Yaypan shahriga etib kelgandik. Yigitlarga etirozim yo'q. Bo'lgan o'zgarishlar rejalarimizni jiddiy o'zgartirib yubordi. Bu bahona bo'lolmaydi. Har bir futbolchi maydonga tushganidan keyin jonini berib o'ynashi kerak. O'yinni ko'rib taxlil qilamiz va Pro-liga o'yiniga tayyorgarlikni boshlaymiz.

- Ikkinchi bo'limda jamoangizning o'yini jonlandi. Tanaffusda yigitlaringizga qanday ko'rsatmalar berdingiz?

- Futbolchilarga maydonda tezroq paslar bilan o'ynash kerakligini aytdim. Birinchi bo'limda futbolchilar to'pni shunchaki ushlab turish bilan shug'ullanishdi. Ikkinchi bo'limda jamoaning o'yinida o'zgarishlar bo'ldi. Bu yigitlarning ruxiy holatiga ham bog'liq. CHunki "Turon" birinchi bo'limda imkoniyatlaridan foydalanib, bemalol futbol o'ynashni boshladi. Ikkinchi bo'limda esa yigitlar o'yinga boshqaa yondashishni boshladi. SHu sababli o'zgarishlar bo'ldi.

- Hozir jamoa tarkibida porlab chiqayotgan futbolchi bor. Muxriddin Zoirov haqida fikrlaringiz.

- Biror futbolchi haqida gapirishni istamayman. Bizda "SHo'rtan" jamoasi bor. U hali yulduz emas, ajralib turgani yo'q. U jamoaviy futbolchi bo'lishi kerak. Zoirov o'yindan-o'yinga biz talab qilgan vazifalarni bajarishga harakat qilyapti. Agarda u shunday darajada davom etsa, yaqin yillarda Superliga jamoasida o'ynashi mumkin.

- Sardor Telyakov va Mirzohid Mirzamahmudov kabi futbolchilarni bugun o'yinda ko'rmadik.

- Boshida aytganimdek, tarkibda jarohatlanganlar ko'p. Mirzamahmudov oyog'idan jarrohlik amaliyotini boshidan o'tkazdi. Telyakov esa kelishimizdan ikki kun oldin mashg'ulotda jarohat oldi. 16 kishi bo'lib etib keldik. Bor tarkibimiz shu. Imkoniyatdan kelib chiqib maydonga tarkib tashladik.