Anvar Berdiev: "Hech bir natija osonlikcha qo'lga kiritilmayapti"

O'yin haqida

- Avvalambor, O'zbekiston ahlini, barcha futbol muxlislarini kirib kelayotgan Ramazon oyi bilan muborakbod etaman. Avval ham takidlagandim, Pro-ligada o'tkinchi o'yinlar bo'lmaydi. Guvoh bo'lganingizdek, hech bir natija oson qo'lga kiritilmayapti.

Yaratib berilayotgan sharoitlar uchun klubimiz rahbariyatiga minnatdorchilik bildiraman. SHuningdek, uzoq masofa bo'lishiga qaramasdan stadionga kelib bizni qo'llab-quvvatlagan muxlislarimizga rahmat. Kelgusi o'yinlarda yana g'alabalarga erishib asosiy maqsadimiz yo'lida intilishda davom etamiz.

- Koreyalik futbolchi Kim Bo Yong nega zaxirada qolib ketdi?

- Kim Bo Yong avvalgi turlarda muntazam o'ynadi. Biz uni ikkinchi bo'limda maydonga tushirib oldingi chiziqdagi tezkorlikni kuchaytirmoqchi edik. Lekin, o'yin davomida vaziyat o'zgarib ketdi. Bundan tashqari hujumchimiz Xumoyun Murtazoev ayni damda yuqori darajada o'yin namoyish etmoqda.

- Ikkinchi bo'limda maydonga tushirilgan Siyovush Xabibulloevning yana zaxiraga olinishi Saidafzalxon Ahrorovning qizil kartochka olishi bilan bog'liqmi?

- Ha, shunday desa ham bo'ladi. Ahrorov qizil kartochka olib maydonni tark etgach, uning o'rnini to'ldirish uchun Siyovush Xabibulloevni zaxiraga oldik. Yarim himoyachi o'rniga himoyachini maydonga tushirdik.