Angliyada xorijlik futbolchilarga nisbatan cheklov kuchaytirilishi mumkin
06 mar 2023 01:17
Yangiliklar

Angliyada xorijlik futbolchilarga nisbatan cheklov kuchaytirilishi mumkin

Teglar : Angliya

Angliya futbol associaciyasi rahbariyati mahalliy chempionatga xorijlik futbolchilarning kirib kelishidan xavotirda, bu esa Breksit (Buyuk Britaniyaning Evropa Ittifoqidan chiqishi)ning kutilmagan oqibati bo'ldi.

Associaciya ijrochi direktori Mark Bullingemning aytishicha, ingliz klublari so'nggi ikki transfer oynasida avvalgidan ikki baravar ko'p xorijlik o'yinchilar bilan shartnoma imzolagan. Garchi hozirda Evropa Ittifoqi davlatlaridan futbolchilar bilan shartnoma imzolash qiyinroq bo'lsa-da, Breksitdan keyingi qoidalar evropalik bo'lmagan futbolchilar bilan shartnoma imzolashni ancha osonlashtiradi. Associaciya klublardagi xorijliklar soniga yangi cheklovlar kiritishi mumkin, chunki o'yinlarda britaniyaliklarga kam vaqt ajratila boshladi.

Qayd etilishicha, Premer-ligada o'tgan hafta maydonga tushgan futbolchilarning atigi 28 foizi inglizlar bo'lgan, butun mavsum davomida esa bu ko'rsatkich taxminan 30 foizni tashkil etgan.

Havola :

Manba : The Times

Yangiliklarni Telegramda o'qing!

Reyting: +1