Andijonda "Kamolot kubogi" bahslari o'tkazildi

Bu musobaqalarda oliy o'quv yurtlarining talabalari sportning turli yo'nalishlari bo'yicha ishtirok etib kelishmoqda. Sportning futbol turi bo'yicha o'tkazilgan musobaqalarda 4 jamoa kuch sinashdi.

Dastlab Andijon Davlat Univestiteti va Andijon Mashinasozlik Instituti jamoalari bellashdi. Unda ADU jamoasi qiyinchiliksiz raqiblarini tor-mor etdi. Ikkinchi bellashuvda Andijon Davlat Tibbiyot Instituti jamoasi Andijon Qishloq Xo'jaligi Instituti bilan uchrashdi. Teng kurashlar ostida o'tgan uchrashuvda Andijon Qishloq Xo'jaligi Instituti jamoasi 2:1 hisobida zafar quchdi.

Finalda ADU va Qishloq xo'jaligi Instituti jamoalari orani ochiq qildi. SHiddatli kechgan uchrashuvda ADU 3:2 hisobida g'olib bo'ldi. Musobaqa so'ngida tashkilotchilar tomonidan g'oliblarga esdalik sovg'alari topshirildi.


Komiljon Ikromov