Andijonda nima bo'lyapti?

Lekin bir hafta oldin bo'lajak o'yin uchun ("Turon"ga qarshi) har futbolchiga 20 mln so'mdan mukofot puli vada qilgan klub bugun yo'l xarajatlari uchun mablag' topa olmasligi unchalik ishonarli emas. Agar u rahbariyat qisqa muddat ichida 30 mlrd.dan oshiqroq pulini futbol uchun sarflab yuboradigan darajada sahiy bo'lsa, tarqatilgan xabarga nisbatan shubha yanada ortadi.

Savol: unda muammo qani?

2020 yilning yozida viloyatning bosh jamoasi bankrot bo'lishiga bir qadam qoldi. Buni Andijon imidji uchun salbiy tasir qilishini tushungan SHuhrat Abdurahmonov klubni yangi tasischiga berishga qaror qildi. 

"Burgutlar"ning hozirgi rahbari Juratbek Quvvatov bilan kelishuvga erishar ekan, viloyat hokimi masuliyatning bir qismini o'z bo'yniga olgan edi (projektor muammosini hal qilib, moliyaviy yordam berish).

Biroq hanuzgacha projektor masalasida oldinga qadam tashlangani yo'q. SHuningdek, "Andijon" rahbariyati stadionning rekonstrukciyasi va yangi baza qurilishi uchun milliardlab pul sarflasa ham, mazkur obektlar klubning hisobiga o'tkazilmagan yoki uzoq muddatli foydalanish uchun ijaraga berilmagan.

Ushbu masalalarda amaliy yordam ololmayotgan "burgutlar" rahbariyati viloyat mutasaddilaridan ranjigani tufayli jamoani moliyalashtirishni to'xtatib, futbol maydonidan chekinmoqchi.

Vodiy futboli azaldan hokimlarga bog'liq bo'lgan. Namangan va Farg'ona hokimlari grand klub yaratib, Superligada kim o'zarga poyga o'ynayotgan bir paytda Andijon katta futbolsiz qolishi mumkin. Xullas, vaziyat jiddiyga o'xshayapti.

Buni O'zPFL ham tushunib turibdi. SHu tufayli o'tgan haftada Buxoro hokimi bilan uchrashib, jamoaga transfer taqiqi qo'yilishining oldini olgan D. Imomxo'jaev bugun Andijonda bo'lib turibdi. 

Umid qilamizki, muzokaralar yakunida minglab andijonlik muxlislarni xursand qiladigan kelishuvga erishiladi.

mutolaa uchun: "Paxtakor" bilan Krimec o'rtasida qanday muammo yuz berdi?