"Andijon" - "Mashal". O'yinoldi yig'ilish bo'lib o'tdi

19-turning markaziy uchrashuvi Andijonda bo'lib o'tadi. Unda "Andijon" Muborakning "Mashal" jamoasini qabul qiladi. Kecha uchrashuv komissari Roman CHernikov "Sog'lom avlod" stadioniga tashrif buyurib, har ikki jamoa rasmiylari ishtirokida o'yinoldi yig'ilish o'tkazdi. 

Unda odatdagidek, har ikki jamoaning rasmiy shaxslariga o'yin oldidan qilinishi kerak bo'lgan ishlar va bahs chog'ida amal qilinishi zarur bo'lgan jihatlar bo'yicha Roman CHernikov tushuntirish berib o'tdi. 

O'yinoldi yig'ilishda odatga ko'ra, jamoalarning qaysi rangli libosda o'ynashiga ham oydinlik kiritib olindi. Unga ko'ra, mezbonlar oq rangli, mehmonlar esa sariq-qizil rangli libosida maydonga tushishi malum bo'ldi. 

Eslatib o'tamiz, "Andijon" - "Mashal" uchrashuvi bugun "Sog'lom avlod" stadionida soat 19:00da boshlanadi. Qiziqarli va murosasiz tarzda kechishi kutilayotgan uchrashuvga muxlislarni chorlaymiz!