Allegri Ronalduning qaytganidan xursand, lekin…

“Ertaga «Atletiko» bilan o'yindagidan ko'ra, ishonchliroq va hujumkor futbol ko'rsatishimiz zarur bo'ladi. Sababi, mexmondagi o'yinni golsiz o'tkazish haqida o'ylamasligimiz kerak. To'g'ri «Atletiko» bilan birinchi uchrashuvdagi qoniqarsiz natijani yo'qqa chiqara oldik. Biroq, bunday holatlar har safar ham bo'lavermaydi. Agar hammasi yaxshi bo'lsa, Ronaldu maydonga tushadi. Kellini va Janning yo'qligidan afsusdaman. Asosiysi Duglas Kosta qaytdi va Paulo Dibala mashg'ulotlarni yaxshi qatnashdi. Rugani himoyaning markazida o'ynaydi. Bu uning uchun yaxshi imkoniyat bo'ladi. Albatta, «Ayaks» «Atletiko»ga o'xshamaydi. Amsterdamliklar ochiq futbolni xush ko'radi. SHu sababli himoyada yaxshi harakat qilishga harakat qilamiz”, – deydi Allegri.