Aleksandr Xomyakov: "Kamida durangga munosib edik"

"Juda og'ir o'yinda ochko yo'qotdik. Ushbu o'yinimiz bilan kamida durangga munosib edi. Ikkinchi bo'limda yaqqol vaziyatlarni yo'qqa chiqarib ochkosiz qoldik. Raqibimiz birinchi bo'limda bosim uyushtirib gol kiritdi va bu o'yin taqdirini hal qilgandek ko'ringandi. Ikkinchi bo'limda esa aksi bo'ldi. Biz hisobni tenglashtirgandan so'ng futbolchilar kamida durang bo'ldi deb o'yladi va oxirgi daqiqalarni bo'sh o'tkazdi. SHunga yarasha raqibimiz bizni munosib jazoladi. O'yin 90 daqiqadan so'ng ham davom etadi. Oxirgi hushtak chalinguncha o'yinda hisob o'zgaradi. Futbol shunisi bilan qiziq. Oldimizda jiddiy uchrashuv turibdi. Endi navbatdagi uchrashuv haqida o'ylaymiz" , - deydi Aleksandr Xomyakov