Aleksandr Volkov: "Bunday murabbiyga ega "Navbahor" xavfli ekanini bilardim"

Uning ikkinchi qismida "Bunyodkor" bosh murabbiyi vazifasini bajaruvchisi Aleksandr Volkov qatnashdi.

- "Navbahor" bosh murabbiyini juda yaxshi taniyman. U futbol maydonida haqiqiy jangchi edi. "Sepaxon"ga qarshi o'yinda u oyog'i deyarli singan holatda maydonda oxirigacha o'ynagandi. SHu bois bugun uning shogirdlariga qarshilik qilish qiyin bo'lishini bilgandik. Bu yil "Navbahor" butkul o'zgacha jamoaga aylandi. Yigitlar oxirigacha va bor kuchlari bilan o'ynashdi, - deydi Aleksandr Volkov.

- Xayrulla Karimov ko'p qizil olayotgani haqida nima deya olaman? "Manchester Yunayted"da Roy Kin degan futbolchi bo'lardi, u ham ko'p qizil olardi, lekin har o'yinda maydonga tushaverardi. Xayrullaning tajribasi bizga kerak.

- "Al Hilol"ga qarshi o'yinda albatta o'zgarishlar bo'ladi. Ammo ular haqida hozir ayta olmayman. Bundan tashqari o'sha o'yin kuni qaysi futbolchi tayyor bo'lishiga ko'p narsa bog'liq.

- O'yinda tez fikrlar juda muhim jihat sanaladi. Buning ustida ishlayapmiz.