Aleks Fergyuson va Arsen Venger APL shon-shuhrati zaliga kiritildi
29 mar 2023 22:57
Yangiliklar

Aleks Fergyuson va Arsen Venger APL shon-shuhrati zaliga kiritildi

Ikki hamkasb APL shon-shuhrati zaliga kiritilgan ilk murabbiylar bo'ldi.

MYU va "Arsenal" sobiq bosh murabbiylari Aleks Fergyuson va Arsen Venger APL shon-shuhrati zaliga kiritildi. Ikki mutaxassis bunday sharafga ega bo'lgan ilk murabbiylar hisoblanishadi.

Fergyuson va Vengerdan tashqari Alan SHirer, Terri Anri, Erik Kantona, Roy Kin, Frenk Lempard, Dennis Bergkamp, Stiven Jerrard, Devid Bekxem, Pol Skoulz, Dide Drogba, Vensan Kompani, Serxio Aguero, Patrik Vieyra, Ueyn Runi, Ian Rayt va Peter SHmeyxel ham Premer liga shon-shuxrati zaliga kirishga muvaffaq bo'lishgan.

Malumot uchun, Fergyuson 1986 yildan 2013 yilga qadar MYUni boshqargan va 13 marta mamlakat chempioni bo'lgan. Umumiy hisobda esa Ser Aleks 38 ta sovrin yutgan. Arsen Venger esa "Arsenal"ni 1996-2018 yillar oralig'ida boshqargan. Venger boshchiligida "to'pchilar" uch marta chempion bo'lishgan va umumiy hisobda 14 ta sovringa erishishgan.