"Al Ahli" APL klubi murabbiyiga katta summa taklif qildi
21 iyu 2023 00:19
Yangiliklar

"Al Ahli" APL klubi murabbiyiga katta summa taklif qildi

Saudiyaning "Al Ahli" klubi "Fulxem" murabbiylar shtabini boshqarayotgan Marku Silvani qo'lga kiritmoqchi.

Sky Sports xabariga ko'ra, "Al Ahli" 46 yoshli portugaliyalik mutaxassisga umumiy qiymati 40 million funtni (taxminan 46 million evro) tashkil etgan ikki yillik shartnoma taklif qilgan.

Marku Silva “Fulxem” bilan ikki mavsumdan beri faoliyat yuritmoqda. Murabbiy jamoani Premer-ligaga qaytardi, keyinchalik klub bilan birga 10-o'rinni egalladi. Portugaliyalik mutaxassisning amaldagi shartnomasi yana bir mavsumga mo'ljallangan.

Oldinroq matbuotda Marku Silvaning "Fulxem" bilan shartnomani uzaytirishga shoshilmayotgani haqida xabarlar tarqalgan edi.

Havola :

Manba : Sky Sports

Yangiliklarni Telegramda o'qing!

Reyting: -1