Akrom Komilov: “Ganaga qarshi o'yin biz uchun foydali bo'ladi”

“Qaldirg'ochlar” bugun Gana terma jamoasiga qarshi maydonga tushadi.

“Tayyorgarlik yaxshi olib borilmoqda, barcha futbolchilar mashg'ulotlarda tinmay ter to'kmoqda. “Al-SHaab”ga qarshi nazorat uchrashuvi yaxshi o'tdi deyishim mumkin.

Yaqindagina to'plar bilan ishlashni boshlaganmiz. Hali beri to'liq to'plar bilan ishlashga tayyormiz deya olmayman. Sekin-asta mashqlarga ko'nikib boryapmiz. SHu yig'in so'nggigacha to'liq sport formamizga kirib olamiz, deb o'ylayman. CHunki oldimizda OCHLda muhim o'yinimiz bor.

Bugun Gana terma jamoasiga qarshi ikkinchi nazorat uchrashuvimizni o'tkazamiz. O'ylaymanki bugungi bahs bizga juda katta yordam beradi va qaerda kamchiliklarimiz borligini bilib olishga imkoniyat bo'ladi. Bundan tashqari yana bir nechta klublarga qarshi nazorat uchrashuvini o'tkazamiz”, - deydi “Bunyodkor” klubi himoyachisi Akrom Komilov.

Jahongir Sotvoldiev