Akmal Xolmatov 7 yildan so'ng yana "Neftchi"ga qaytdi

Jamoa muxlislari uchun xushxabar bor. Bu Akmal Xolmatovning yana qadrdon jamoasiga qaytishidir. Tajribali futbolchi 2007 yili "Neftchi" bilan xayrlashib, "Paxtakor" taklifini qabul qilgandi. Oradan 7 yil o'tib Xolmatov nihoyat o'zi uchun begona bo'lmagan jamoaga qaytdi.

Albatta ushbu yangilik farg'onalik ishqibozlarni behad quvontirishi turgan gap. Buni yaxshi anglagan xolda futbolchi ham ikkinchi davrada munosib o'yinlari bilan, "Neftchi" muvaffaqiyatlariga salmoqli hissa qo'shishni maqsad qilmoqda.

Umid qilamizki, Akmal Xolmatov yana o'zining jarimadan yo'llaydigan zarbalari va foydali gollari bilan "Neftchi" muxlislariga quvonch ulashadi. Bu yo'lda futbolchiga omad tilaymiz!