AGMK Nepomnyashiy boshqarayotgan jamoani mag'lub etdi
25 iyu 2018 10:39
Yangiliklar

AGMK Nepomnyashiy boshqarayotgan jamoani mag'lub etdi

Teglar : AGMK

AGMK Minsk shahrida davom etayotgan o'quv-yig'ini doirasida ikkinchi nazorat o'yinini o'tkazdi.

Kaliningrad shahrining "Baltika" jamoasiga qarshi o'rtoqlik o'yini AGMKning kichik hisobdagi g'alabasi bilan yakun topdi. Uchrashuvning 84-daqiqasida Javlon Guseynov uzoq masofadan raqib darvozasini ishg'ol etishga erishdi. Javlon o'zining tavallud ayyomini nishonladi. U ajoyib goli bilan bu ayyomni bayramona o'tishini taminladi.

Ushbu bahsda ham AGMK tarkibida mashg'ulotlarda ishtirok etayotgan barcha futbolchi ishtirok etdi.

Qisqacha raqib borasida to'xtaladigan bo'lsak, Rossiya FNLisida ortda qolgan mavsumda 5-o'rinni qo'lga kiritgan Kaliningrad jamoasi 1 iyun kuni taniqli mutaxassis Valeriy Nepomnyashiyni jamoa ustozligiga taklif etdi. Valeriy Kuzmich boshchiligidagi jamoa tarkibida o'z davrida Rossiya chempionati elit jamoalarida to'p tepgan Torbinskiy, SHeshukov, Dudiev, Pomazan, Xodjaniyozov kabi futbolchilar maydonga tushishdi.

AGMKning navbatdagi o'rtoqlik o'yini 27 iyun kuni "SKA Xabarovsk" jamoasiga qarshi bo'lib o'tadi.