"Agamurodovni mavsum boshida jalb qilmoqchi edik. Lekin... " - Asror Aliqulov murabbiylar shtabidagi o'zgarishlarga izoh berdi
03 may 2023 11:33
Yangiliklar

"Agamurodovni mavsum boshida jalb qilmoqchi edik. Lekin... " - Asror Aliqulov murabbiylar shtabidagi o'zgarishlarga izoh berdi

Navoiyning "Qizilqum" klubi bosh murabbiyi Asror Aliqulov murabbiylar shtabidagi o'zgarishlar bo'yicha o'z fikrini bildirdi.

"Tachmurod SHamakovichni mavsum boshida jalb qilmoqchi edik. Lekin ayrim sabablarga ko'ra bu amalga oshmay qoldi. Hozirda ham maslahatchi, ham selekcioner sifatida ko'maklashyaptilar. Bundan tashqari Augustin CHirica ham safimizga qo'shildi",- deydi Asror Aliqulov.

- Jamshid Saidov ham murabbiylar shtabidan o'rin oladimi?
- Kelish yoki kelmasligi haqida aniq narsa yo'q.

- OKMK bilan uchrashuvga tayyorgarlik qanday ketyapti. Umuman futbolchilarning kayfiyati qanday?
- Hozirgi vaziyatdan chiqib ketishga harakat qilyapmiz, yigitlarga uqtirmoqdamiz. Hammasi o'z qo'limizda. Qiyin holatga o'zimizning aybimiz bilan tushib qoldik. Keraksiz kartochkalar va hokazo. OKMKga qarshi imkoniyatimizdan kelib chiqib reja tuzyapmiz.