Abbos Ergashev: "Yangier" va "Buxoro" o'rtasidagi farq sezilgani yo'q"

- "Buxoro" - Superliga jamoasi. Uchrashuvga raqibning darajasini hisobga olgan holda tayyorlandik. O'yinda Superliga va Birinchi Liga o'rtasidagi farq sezilmadi, jamoamiz o'z o'yini bilan bu gaplarni olib tashladi va bor kuchi bilan harakat qildi.  Yomon o'yin ko'rsatmadik, deb o'ylayman. Qo'l ostimizdagi jamoa futbolchilaridan boricha foydalandik. 

- Superliga jamoasiga qarshi o'yin ko'rsatishda nimalarga etibor berdingiz?

- "Buxoro"ga yangi bosh murabbiy kelganidan keyingi o'yinlarini tomosha qilib chiqdik. Ular ko'proq pozicion o'yin ko'rsatishga va ko'proq uslublardan foydalanishga harakat qilishyapti. SHunga qarab tayyorlandik. Jamoamiz bosh murabbiyi Jahongir Jiyamurodov betobligi sababli o'yinga kela olmadi. Jamoani o'yinga tayyorlashda bosh murabbiyning o'rni katta bo'ldi. 

- So'nggi turlarda yaxshi o'yin namoyish qilgan Abdumutal Tursunqulovni ikkinchi bo'limda maydonga tushirishdan maqsad nima edi?

- Bugun tarkibni shunday tuzdik. Ikkinchi bo'limda ko'proq hujum qilib, g'alaba qozonmoqchi edik. 

- Eshitishimizga qaraganda, Jahongir Jiyamurodov jamoani shug'ullantirmayapti va u jamoadan ketgan ekan.

- Bu gap haqida hech nima bilmayman. Jamoaning bosh murabbiyi Jahongir Jiyamurodov. Agarda biror yangilik bo'lsa, elon qilinadi.