A Seriyaning markaziy o'yini muxlislarsiz o'tishi mumkin

1 mart kuni "Yuventus" - "Inter" uchrashuvi bilan birgalikda boshqa shaharlardagi "Udineze" – "Fiorentina", "Milan" – "Jenoa", "Sassuolo" – "Breshiya" va "Parma" – SPAL bahslariga ham muxlislar kiritilmasligi kutilmoqda. SHuningdek, 4 va 5 mart kunlari Italiya Kubogi yarim finali doirasidagi "Yuventus" - "Milan" hamda "Napoli" - "Inter" o'yinlarida ham tribunalar bo'm-bo'sh bo'lishi kutilmoqda.

A Seriya prezidenti Paolo Pino barcha klublarga bu borada rasman murojaat yuborib bo'lgan.

O'yinlarning muxlislarsiz o'tishi borasidagi g'oya Italiya sog'liqni saqlash vaziri Valter Rikkyardi tomonidan berilgan.

"Birinchi navbatda odamlar gavjum bo'lib qolmasligini taminlashimiz kerak. Stadionlarda odamlar bir-birlariga yaqin bo'lishadi. O'yinlar bo'sh tribunalar ostida kechishi esa anchagina yaxshi holat", - dedi Valter Rikkyardi.