95:0, 91:1 hisobida yakunlangan o'yinlar bo'yicha ish ochildi

Serra-Leone ikkinchi divizionida "Kaxunla Reynjers" jamoasi "Lumbebu Yunayted"ni 95:0, "Galf" esa "Kokima Livan"ni 91:1 hisobida mag'lub etgan. Bunday natija mamlakat futbol amaldorlarida ko'plab savollarni keltirib chiqargan. 

Ushbu o'yinlarning birinchi bo'limi 2:0 va 7:1 hisobida yakunlangandi. 

Tashkilot rasmiy saytida malum qilinishicha, bu bo'yicha tergov ishlari olib boriladi. 

Qizig'i, bunga bukmekerlik faoliyatining aloqasi yo'q. O'yinlar bir vaqtda boshlangan, yuqori divizionga chiqish uchun kurashayotgan "Kaxunla Reynjers" va "Galf" jamoalari hisobida bir hil ochko bo'lgan. Sabab - to'plar nisbatidagi raqobat. 

Yana bir fakt shuki, "Galf" - "Kokima Livan" o'yini hakami tanaffus vaqtida o'yinni davom ettirishni istamagan va uning o'rniga boshqa hakam ishlagan.