17 maydon, restoran, bog' - PSJ 300 million evroga "orzu markazi" qurmoqda

Birinchi jamoa 2023 yilning yozida shu erda hozir bo'ladi, ayollar va yoshlar jamoalari esa qishda kelishadi. Qarorgoh ham professionallar, ham akademiya yoshlari uchun mo'ljallangan. 

Bazada 180 nafar sportchi va 200 nafar xodim, jumladan, ofis menejerlari faoliyat ko'rsatishadi. Birinchi jamoaga yashash uchun 43 ta xona beriladi va suzish havzalari, davolash xonalari, balneoterapiya (mineral suvlar bilan davolash), kriyoterapiya, sauna, hammom va restoran ishlab turadi.

Yoshlar (shu jumladan, ayollar jamoalari) uchun maktab ochilib, unda taxminan 15 ta sinf mavjud bo'ladi. 2024 yilgi Parij Olimpiadasidan keyin boshlanadigan qurilishning ikkinchi bosqichida klubning gandbol va dzyudo bo'limlari joylashgan yana bir bino barpo etiladi. SHu bilan birga, ayollar va yoshlar o'rtasidagi o'yinlar uchun 3000 o'rinli stadion ham quriladi.