Sankt-Peterburg klubi delegaciyasi Neapolda bo'lib, murabbiy bilan muzokara o'tkazdi. Sarrining uyiga Maksim Mitrofanov, Aleksandr Dyukov hamda advokat Julio Dinilar tashrif buyurishdi.
“Zenit” rasmiylari 59 yoshli mutaxassisga yiliga 4 million evrolik maosh hamda qo'shimcha bonuslar taklif qilishdi. Sarri tez kunda bu taklifga o'z javobini berishini aytgan.
Agar Sarri rozilik bergan taqdirda ham, “Zenit” “Napoli”ga murabbiy shartnomani buzgani uchun 8 million evro tovon puli to'lashi kerak bo'ladi.
