Ana shu kelishuvga ko'ra, bugun 8 fevral kuni yurtimizga Osiyo futbol Konfederatsiyasining mutaxassislari Joern Shlim va Marsel Isakovich tashrif buyurishdi. Bu mutaxassislar aslida Germaniya Bundesligasida faoliyat yuritishadi. OFK futbol klublarining faoliyatini rivojlantirishda Yevropa tajribasidan foydalanish maqsadida Joern Shlim va Marsel Isakovich kabi yuqori malakali mutaxassislarni Osiyo klublariga jalb qilmoqda.
OFK tomonidan yuborilgan mutaxassislar 12 fevralga qadar mamlakatimizning 4ta klubi - Paxtakor, “Lokomotiv”, “Bunyodkor” va “Dinamo” Samarqand klublarida bo'lishadi. Ular bu klub vakillarining licenziyalash borasida amalga oshirayotgan chora-tadbirlari bilan yaqindan tanishib, ularga o'zlarining amaliy maslahatlarini berishadi.
