Uchrashuv Sevilyadagi "Ramon Sanches Pisxuan" stadionida bo'lib o'tdi. Bosh hakam sifatida Syerdar Gyozyubyuyuk ishladi. O'yin 4:1 hisobida mezbonlarning g'alabasi bilan yakunlandi.
Uchrashuv boshida Ispaniya terma jamoasi hujumchisi Lamin Yamal hisobni ochdi. 28-daqiqada mehmonlar hujumchisi Dion Belyo muvozanatni tikladi. Uch daqiqadan so'ng himoyachi Mark Pubil "La Furiya Roxa"ni oldinga olib chiqdi. 63-daqiqada Yamal dublni rasmiylashtirdi. Bahs yakunida Ispaniya terma jamoasi vingeri Niko Uilyams hisobni yirik ko'rinishga keltirdi.
Ispaniya - Xorvatiya 4:1
Gollar: Yamal 2, Pubil 31, Yamal 63, N. Uilyams 89 - Belyo 28.
Ispaniya: Simon, Pubil, Kubarsi, Xyoysen, Kukurelya, Subimendi, Ruis, F. Lopes, Yamal, Baena, Oyarsabal.
Xorvatiya: Livakovich, Smolchich, Pongrachich, Gvardiol, Shutalo, Kovachich, Perishich, Suchich, Pashalich, Belo, Mishich.
Guruh bosqichining navbatdagi turida Ispaniya 3 oktyabr kuni Chexiya bilan uchrashadi, Xorvatiya esa shu kuni Angliyaga qarshi o'yin o'tkazadi.
