Sevilya dahshati

G guruhi

Bu juda oddiy eshitiladi, ammo Xoland yana gol urdi. Ikki marta. Ha, yana o'zining faolligi bilan Xocholavaning avtogoliga sababchi bo'ldi. Norvegiyalik Chempionlar Ligasida 22ta o'yinda 28ta gol urgan holda, gol mashinasiga rejimida ishlamoqda. U bir o'yinda o'rtacha 1,27ta gol urmoqda va Opta'ning hisoblashicha, Xoland bu ko'rsatkich bilan asosiy evrokubokda ishtirok etgan 98ta jamoadan o'zib ketgan. "Manchester Siti" bunday snayper bilan keyingi turda pley-off masalasini hal qilishi kerak.

VIDEO ECHL. "Manchester Siti" - "Kopengagen" 5:0

Mavsumda muvaffaqiyatsizlikka uchrayotgan "Sevilya" tezda to'p o'tkazib yubordi, so'ngra bir kishi kam bo'lib qolishiga bir bahya qoldi, o'sha vaziyatda hakam mudofaaga yordam bergan forvard En Nesirini chetlatmoqchi bo'lgan. Vaziyatni VAR to'g'irladi va "Borussiya"ning qarshi hujumchi qoida buzilish bilan boshlangan deb topdi va "o'yinga qaytgan" marokashlik gol urishga ham erishdi. Ammo, bundan mano bo'lmadi, sababi andalusiyaliklar o'yinni o'zgartirib tashlash uchun boshqa imkoniyatlardan foydala olishmadi va tanaffusga qadar jiddiy ustunlikka erishgan dortmundliklar o'yinning borishini ishonchli tarzda nazorat qilishdi. Xulen Lopetegining bunday mag'lubiyatdan so'ng istefoga chiqarilishi muqarrar edi.

VIDEO ECHL. "Sevilya" - "Borussiya D" 1:4

11 oktyabr, "Kopengagen" - "Manchester Siti", "Borussiya" - "Sevilya".

Rodrigo natijani belgilab berdi

F guruhi

Kutilmaganda "Osasuna"ga qarshi La Liga o'yinida qoqilgan madridliklar "Shaxtyor"dan ustun kelishdi. Zubkov jarohat olgan Kurtuaning o'rniga maydonga tushirilgan hamyurti Luninni goli bilan xafa qildi, ammo bu o'yinning natijasiga tasir o'tkazmadi. Ammo, Mudrik ikkinchi bo'lim boshidagi yurishini golga aylantirishi mumkin edi.

Umuman, "Real"ning darajasi yaqqol sezilib turdi, Chempionlar Ligasida ajoyib o'ynaydigan Rodrigo esa ushbu musobaqadagi 11-golini urdi va uning 21 yoshida "qaymoqranglilar" afsonasi Raulning natijasi bilan to'g'ri keladi. U bundan tashqari Vinisius Juniorga assist ham ijro etdi. Karlo Anchelotti kecha "Santyago Bernabeu"da Chempionlar Ligasidagi 102-g'alabasini qo'lga kiritdi va bu bilan Aleks Feryugsonning rekordini takrorladi.

VIDEO ECHL. "Real Madrid" - "Shaxter" 2:1

Ushbu juftlik ushbu haftada pley-offdagi o'rin uchun kurash olib borishadi. "Leypcig" kecha dastlabki daqiqalardanoq "Seltik"dan yaxshiroq ko'rindi. "Buqalar"ni darvozabon Gulachining jarohat olishi ham to'xtatib qolmadi va ular tanaffusga qadar ikkita gol urishdi. Ammo, Nkunkuning goli ofsayd sabab bekor qilindi, Verner esa yana bir bor imkoniyatlarni barbod qilishdagi noyob qobiliyatini eslatib qo'ydi.

"Seltik" ikkinchi bo'limni gol bilan boshladi va "Leypcig" barchasini boshqatdan boshlashiga to'g'ri keldi. Shu bilan birga mezbonlarga shtanga yoki Soboslaining bekor qilingan goli vaziyatlarida omad kelmadi. Ammo, "Seltik" posboni Xart "qovun tushirdi". Angliyalik bu mavsumda umuman omadi kelmayotgan Andre Silvaga golni tuhfa etdi.

VIDEO ECHL. "Leypcig" - "Seltik" 3:1

11 oktyabr. "Seltik" - "Leypcig", "Shaxtyor" - "Real".

Zabt etilmagan Lissabon

H guruhi

"Da Luj"dagi o'yin turdagi eng asosiylaridan bo'ldi, sababi "Benfika" PSJ kabi mavsumni yo'qotishlarsiz o'tkazayotgandi. Agar Donnarumma bo'lmaganida, parijliklar birinchi taym o'rtalaridayoq noqulay vaziyatga tushib qolishlari mumkin edi. Ammo, darvozabon ikkita qiyin vaziyatda jamoasini qutqardi, Mbappe, Neymar va Messining ajoyib kombinaciyani yakunlovchi golini vaziyatdan foydalanish bo'yicha master-klassda ishlatsa bo'ladi.

"Benfika" Leo uchun Chempionlar Ligasida darvozasi ishg'ol etilgan 40-jamoa bo'ldi. Ammo, parijliklar so'ngg vaqtlarda kichik farq bilan yutayotgan bo'lsalar ham, bu g'alaba uchun etarli bo'lmadi. Ammo, Liga 1da ish berayotgan narsa, doim ham Evropada etarli bo'lmaydi. "Benfika" yaxshi harakat qildi, "Portu" sobiq yarim himoyachisi Danilu Pereyraning avtogoli esa mantiq g'alabasidek ko'rindi.

VIDEO ECHL. "Benfika" - PSJ 1:1

PSJ tanaffusdan so'ng yaxshiroq o'ynagan bo'lsa ham, jamoa yutqazishi mumkin edi, ammo Donnarumma yana katta sahnaga chiqdi, darvozabon o'yin so'nggida Rafa Silvani to'xtatib qoldi. "Burgutlar" oldingidek qolishdi: ular hali ham o'z uylarida francuzlarga yutqazishmaydi. Jumladan, "Da Luj"da ikki mag'lubiyatdan so'ng durang o'ynagan Parij jamoasiga ham.

Omadsizlikdagi "Yuventus" oxir-oqibat g'alabaga erishdi. Kimdir bu "Makkabi"ku deyishi mumkin, ammo Massimiliano Allegri uchun bir necha pozitiv vaziyatlar bor. Birinchidan, "byankoneri" uch kun oldin A Seriyada "Bolonya" (3:0)ni mag'lub etdi va bu 31 avgustdan beri ilk g'alaba bo'ldi. Ikkinchidan, terma jamoaga borib kelganidan so'ng Di Mariya ochilib ketdi. Chorshanba kungi o'yinda argentinalik barcha golga assistentlik qildi. Mukammallikka qadar hali ancha bor, ammo tunnel so'nggidagi yorug'lik ko'rinmoqda.

VIDEO ECHL. "Yuventus" - "Makkabi" 3:1

11 oktyabr. "Makkabi" - "Yuventus", PSJ - "Benfika".

"Zalcburg" pley-off hududida

E guruhi

Ahmoqona tarzda qoida buzilishi Zalcburgdagi o'yin taqdirini hal qildi, penaltidan foydalangan Okafor esa guruh bosqich bosqichidagi dastlabki uchta o'yinning barchasida gol urgan ilk o'yinchiga aylandi. Avstriya chempioni birinchi davradan so'ng pley-off bosqichi hududida.

VIDEO ECHL. "Zalcburg" - "Dinamo Zagreb" 1:0

"Qizil-qoralar" bu o'yinda Mayk Menyan, Simon Ker, Teo Ernandes, Davida Kalabriya, Alesis Salemakers, Junior Messias, Alessandro Florenci va Zlatan Ibragimovichning xizmatlaridan foydalana olishmadi. O'yinda bu bilan nima bo'lishini kutish qiyin bo'ldi - yakunda "Milan" juda zaif ko'rindi.

Mehmonlar qisqa paslar bilan o'z jarima maydonchalaridan chiqib ketishga urinishdi, ammo bu yaxshi chiqmadi. Bu esa "Chelsi"ning goliga olib keldi. Londonliklar ko'plab burchak zarbalaridan so'ng Uesli Fofana orqali hisobni ochishdi. Mehmonlarga o'yinda tezlik etishmadi. Bunga yorqin misol ikkinchi gol bo'la oladi. "Milan" futbolchilari Ris Jeymsning qanotdan uzatgan pasidan so'ng nima qilishni bilmay qolishdi. "Chelsi" tarbiyalanuvchisi Fikayo Tomorining ham o'yini chiqmadi. Uchinchi golga Sterlingning pasidan so'ng Jeyms mualliflik qildi.

VIDEO ECHL. "Chelsi" - "Milan" 3:0

11 oktyabr. "Dinamo" - "Zalcburg", "Milan" - "Chelsi".

Alisher Ostonov tarjimasi

Xolandni to'xtatib bo'lmayapti, Anchelotti Fergyusonning rekordini takrorladi va Messida yangi yutuq