"Manchester Siti" hujumchisi Erling Xoland APLda 100 ta gol urish natijasiga erishdi. Norvegiyalik futbolchi Angliya chempionatidagi 100-golini "Fulxem"ga qarshi o'yinning 17-daqiqasida kiritib, hisobni ochdi.
Xoland APLdagi 111-o'yinini o'tkazmoqda - u 100 ta gol urish uchun 124 ta o'yin o'tkazgan Alan Shirerning rekordini yangiladi va bu marraga eng tez yetib kelgan futbolchiga aylandi.
Oldinroq hujumchi APL tarixida eng tez 20 ta gol (14 o'yinda), 30 ta (27 o'yinda), 40 ta (39 o'yinda) va 50 ta (48 o'yinda) to'p kiritgan edi.
