Бразилия терма жамоаси вингери Винисиус Жуниор ЖЧ-2026 доирасида Гаитига қарши кечган ўйинда (3:0) гол урди ва Матеус Куньяга голли узатма берди. Биринчи турда "Реал" футболчиси Мароккога қарши ўйинда (1:1) гол урган эди. Эндиликда Винисиуснинг ушбу жаҳон чемпионатидаги "гол+пас" тизими бўйича очколари сони 3 (2+1) тани ташкил этади.
Бразилиялик футболчи ушбу кўрсаткич бўйича пешқадамлардан бирига айланди. Ундан ташқари, Аргентинадан Лионель Месси (Жазоирга қарши ўйинда 3 та гол), Канададан Жонатан Дэвид (икки ўйинда 3 та гол), Германиядан Дениз Ундав (1+2) ва Швециядан Александер Исак (1+2) ҳам шунча очко тўплашган.