Vadim Abramov: "Finalni Parijda o'tkazishsa, Parijda o'ynaymiz"

Narzulla Saydullayev
11 noya 2014
O'zbekiston kubogi finali oldidan bo'lib o'tgan matbuot anjumanining ikkinchi qismida "Lokomotiv" bosh murabbiyi Vadim Abramov va himoyachi Islom To'xtaxo'jaev ishtirok etdi.
Vadim Abramov: “Final o'z nomi bilan final! Shu bois qiziq o'yin kutyapman. Muxlislar stadionga ko'proq kelsa kerak, deb o'ylayman”.

Islom To'xtaxo'jaev: Yaxshi tayyorlandik, juda qiziq o'yin bo'ladi. Chempion bo'lolmaganimizdan afsusdamiz. Lekin shashtimiz tushib ketmagan.

- Ivan Nagaev afsuski shug'ullanmayapti. Xozircha Nagaevsiz o'ynaymiz, unga kelasi yilga umid qilamiz.

- Final Toshkentda bo'lgani yaxshi edi, chunki finalda ikkita poytaxt klubi o'ynaydi. Lekin Parij deyishsa Parijda o'ynaymiz!

- Chempionatda g'alaba qozona olmaganinizni bir necha sabablari bor. Hozir gapirsam yaxshi bo'lmaydi. "Bunyodkor" bizning principial raqibimiz hisoblanadi.

- O'zbekistonda tajribali hakamlar juda ko'p. Finalga xorijdan hakam taklif etilishini ochig'i tushunmadim. Lekin bu savol aslida menga emas...

- "Bunyodkor"ning so'nggi o'yinining oxirida 3ta gol o'tkazgani shunchaki tasodif. Bu erda hech qanday reja yo'q deb o'ylayman.


Eslatib o'tamiz, "Bunyodkor" - "Lokomotiv" uchrashuvi 12 noyabr kuni soat 17:00da boshlanadi. Bahs Olmaliq shahridagi "Olmaliq" stadionida bo'lib o'tadi.

Narzulla SaydullayevMuallif
Manba: championat.asia