Umar Abdulrahmon Avstraliya va O'zbekistonga qarshi o'ynay olmaydi

Narzulla Saydullayev
7 okt 2014
"Al Ayn" va BAA terma jamoasi hujumchisi Umar Abdulrahmon jarohati tufayli 10 kun maydonga tusha olmaydi.
Bu haqda arab matbuoti xabar berdi. Futbolchi o'tgan hafta "Al Jazira"ga qarshi o'yinda jarohatini jiddiylashtirib oldi.

Shu sababli klub vakillari BAA terma jamoasi murabbiylaridan Umarni navbatdagi o'rtoqlik uchrashuvlariga chaqirmaslikni so'rashdi.

BAA 10 oktyabr kuni Avstraliya, 14 oktyabr kuni O'zbekiston terma jamoasiga qarshi o'rtoqlik uchrashuvini o'tkazadi.

Ma'lumot uchun, Umar Abdulrahmon BAA milliy terma jamoasi safida 26 marta maydonga tushgan va 5ta gol urgan.

Narzulla SaydullayevMuallif
Manba: championat.asia