Championat.asia сайтининг келишилган ўйинлар бўйича эксперти Уилсон Раж Перумал мазкур баҳс бўйича маълумот юборди.
Перумалнинг маълумотига кўра, "Сурхон" - "Динамо" учрашувида 4тадан кўп гол бўлиши ҳамда "Динамо"нинг ютишига -1,5 гандикап*га ғайритабиий катта миқдорда пул тикилган.
* - Гандикап - умумий натижада тўплар фарқи.
Эслатиб ўтамиз, мазкур баҳсда Суперлигадан тушиб кетиши аниқ бўлиб улгурган "Динамо" лигада қолиш учун курашаётган "Сурхон"ни 4:1 ҳисобида таслим қилди. Самарқанд клуби шу куни мавсумдаги иккинчи ғалабасини қўлга киритди ва бу йил илк бор битта ўйинда 4та гол уришга эришди.
