Uchrashuvning 55-daqiqasida Trent-Aleksander Arnold jamoadoshi Roberto Firminoning goliga assistentlik qildi. Bu 21 yoshli Trent uchun APL joriy mavsumidagi 13-golli uzatma bo'ldi. Natijada futbolchi APL himoyachilari orasida golli uzatma berish bo'yicha rekordni yangiladi. Avvalgi rekord ham Trentning o'ziga tegishli edi - 12 ta. U o'tgan mavsum ushbu rekordni o'rnatgandi.
Trent Aleksander-Arnold joriy mavsum APLda 37 ta o'yinda qatnashib, 13 ta golli uzatma va 4 ta golga mualliflik qildi.
