"U mening vatandoshim, shuning uchun bu vaziyatni engil qabul qila olmadim. Biz murabbiylar bunday bo'lishi mumkinligini bilamiz, lekin qachon sodir bo'lishini... Uni sal pal bilaman. U o'z ishiga qancha kuch sarflashini bilaman. Bu yangilik unga zarba bo'ldi, albatta.
Biz niderlandiyalikmiz va u "Ayaks"da juda yaxshi ishlagani hamda bu yerda ikkita sovrin yutganini bilamiz. Shuning uchun tez orada uni yana katta klubda ko'ramiz deb o'ylayman.
Ammo hozir u va uning oilasi uchun bu... Fojia - ehtimol juda kuchli so'zdir, lekin bu katta umidsizlik", - dedi "Liverpul" bosh murabbiyi.
Ten Xag 2022 yilning may oyidan beri "Manchester Yunayted"ni boshqarib kelayotgan edi. 2022/23 yilgi mavsumda u MYU bilan Angliya Liga kubogini qo'lga kiritdi va APLda 3-o'rin bo'ldi, o'tgan mavsumda esa Angliya kubogida zafar quchdi hamda APLda 8-pog'onani band etdi. Joriy mavsum esa jamoa Premer ligada 14-o'rinda bormoqda.
