AGMK va "Paxtakor" ishtirokidagi o'yinlar OCHL bahslari sabab iyun oyiga qoldirilgan. Championat.asia sayti qolgan o'yinlar asosida tur laureatlarini aniqladi.

Bekobodning "Metallurg" klubi bu turni Qo'qonda "Qo'qon-1912"ga qarshi o'tkazib 1:0 hisobida g'alabaga erishdi. E'tiborlisi bu mag'lubiyat "Qo'qon-1912" uchun mavsumdagi birinchisi bo'ldi. Ushbu mag'lubiyatga Jasur Abduraimov boshchiligidagi bekobodliklar sababchi bo'lishdi. To'g'ri shu kuni o'yin duranga mos bo'lgandi, ammo so'nggi daqiqalarda Salamat Qutiboev urgan gol "Metallurg"ga muhim 3 ochkoni taqdim etdi va championat.asia sayti talqiniga ko'ra Jasur Abduraimov 6-turning eng yaxshi murabbiyi deb topildi.

"Navbahor" - "Turon" uchrashuvida ko'pchilik mezbonlarning imkoniyatini yuqori baholagani turgan gap. Biroq muxlislarsiz o'tkazilgan bahsda "lochinlar" Superliga debyutanti hisoblangan "Turon"ni yuta olishmadi. O'yin davomida hattoki mag'lub bo'lishlari ham mumkin edi. Yaypanliklarning bir qator hujumlarini "Navbahor" posboni O'tkir Yusupov qaytarishga erishdi va o'z darvozasi dahlsizligini saqlab qoldi. Shu bois Championat.asia sayti talqiniga ko'ra, 6-turning eng yaxshi darvozaboni O'tkir Yusupov bo'ldi.

Marko Stanoevich ketma-ket uchinchi marta championat.asia sayti talqiniga ko'ra turning eng chiroyli goli muallifi deb topilmoqda. "Nasaf"ning serbiyalik yarim himoyachisi o'tgan turlarda "Turon" va "Qizilqum" darvozalariga chiroyli gol urgandi, uning "Surxon" darvozasiga urgan goli oldingi ikkita golidan ham chiroyli chiqdi. Quyida turning eng chiroyli gollarini tomosha qiling:

"Nasaf" bu turda "Surxon"ni ayab o'tirgani yo'q va 6:0 hisobida g'alabaga erishdi. Shu kuni "ajdarlar" chap qanot himoyachisi Sherzod Nasrullaev juda ham faol bo'ldi. To'g'ri raqib juda kam hujum qildi va himoyada unga deyarli ish bo'lgani yo'q. Biroq Sherzod o'yin davomida bitta gol urdi va ikki marta sheriklariga golli uzatmani amalga oshirdi. Yani gol+pas tizimi bo'yicha 3 ball to'pladi. Ochig'ini aytish kerak bazi himoyachilar mavsum davomida ham bunday natijaga erisha olmaydi, shu bois championat.asia sayti talqiniga ko'ra 6-turning eng yaxshi futbolchisi Sherzod Nasrullaev bo'ldi.

Superliga. 6-tur laureatlari