Hujumchi Krishtianu Ronalduning rafiqasi Jorjina Rodriges Portugaliya terma jamoasi bosh murabbiyi Jorje Jezushni tanqid qilgan ijtimoiy tarmoqdagi postini o'chirib tashladi. Bunda Rodriges "Manchester Yunayted"ning sobiq ustozi Aleks Fergyusonning feyk iqtibosiga tayangan, xabar beradi A Bola.
Ushbu postda Rodriges milliy jamoa ustoziga qarata tanqid yog'dirgan. "Bu odam qanday qilib Iso ismini olib yurishi mumkinligini tushunmayman", - deb yozgan u va shundan so'ng yozuvni tezkorlik bilan o'chirib tashlagan.
Ronaldu Millatlar ligasi 3-turidagi Daniyaga (3:2) qarshi o'yin oldidan, bosh murabbiy Jorje Jezushning hech qanday nizo yo'qligi haqidagi bayonotlariga qaramay, terma jamoa ixtiyorini tark etgan edi. Murabbiy matbuot anjumanida Ronalduning daniyaliklarga qarshi o'yinda maydonga tushmasligi mumkinligini ma'lum qilgan edi. Portugaliya OAVlari Ronalduning milliy jamoadagi faoliyatini yakunlash niyati borligi haqida xabar berishdi.
